麒藝館 (已結業)

做高級食品，唔錯呀！先稱讚茶，瑰麗堂皇即是玫瑰荔枝茶，有非常香的玫瑰味，另一款桂花烏龍桂花味都好香。$398二人套餐抵食得來有質素，一個湯兩個餸一個主食夠飽，不過我們大食加多兩個點心。用和做牛肉球，唔覺得分別好大，但好好食非常軟熟，好味。煎鍋貼用豚肉，但我放得耐咗先食，普通。今日精選冇味精靚湯是菌皇煲豬展，足料極濃香，超甜美，好正。香煎家鄉蓮藕餅幾迷你，煎得好，香而不油，味道豐富，水準高。然後有金沙黃金蝦鍋巴好搶鏡又好得，鍋巴新鮮做起，蝦肉彈甜，黃金汁在底唔在面，有點花功夫先點到，唔浪費。櫻花蝦黑叉燒炒飯材料絕配，無可能唔好食。