點心廊 (已結業)

點心廊裝修非常優雅，坐得舒服，飲茶食點心都可以慢慢享受。桂花烏龍茶：烏龍茶加入桂花，有花香味。流心鵪鶉蛋燒賣（$48）：非常有創意的點心！將鵪鶉蛋釀入燒賣內，一口咬下去，竟然有流心效果！黃金啤梨鹹水角（$38）：可愛啤梨造型，鹹水角新鮮炸起，好香脆！傳統點心質素都不錯，例如：爆口叉燒包（$38）一撕開，叉燒餡料都幾多！鳳城娥姐粉果（$38）：呢個食落比較似蝦餃，唔知係咪送錯點心定點。百花翡翠金魚餃（$48）：造型可愛，蝦肉爽口。迷你荷香糯米雞（$38）糯米雞小巧精緻，一人一個剛剛好。