Ciclo

營業中

休息中

竹炭炸雞呢道竹炭炸雞外層炸到金黃香脆，竹炭粉俾咗雞皮一層獨特嘅微微焦香，食落唔會過重，反而增添咗層次感。雞肉嫩滑多汁，調味方面做得恰到好處，冇過鹹或者搶味。🍗每一層都加咗嚟同埋老乾媽，呢個組合真係充滿驚喜，層層分明，每一層嘅食材之間都加咗老乾媽辣醬，帶嚟一種辛辣香濃嘅感覺，唔會過火。🌶️清酒大蜆大蜆個頭夠大，肉質飽滿嫩滑，鮮味十足。清酒煮嘅湯底香氣濃郁但又唔會太重，帶有陣陣淡淡酒香，同蜆肉嘅鮮甜完全融入一體。飲埋個湯，味道甘甜中帶點海水嘅鮮香，真係每啖都係享受。🐚 另外加左 韓式年糕烹年糕煙韌有嚼勁，用牛油清酒嚟煮更加香滑濃郁，酒香淡淡嘅，唔會搶去年糕本身嘅米香。牛油嘅香氣滲入每粒年糕，入口又滑又香，食到最後都停唔到口。🍶地三黃雞雞卷地三黃雞雞卷選用雞肉嫩滑多汁，雞卷外層微焦，內餡鮮甜。椰菜花做成嘅醬汁質感幼滑，帶有一絲天然嘅蔬菜清香，仲有陣陣淡淡嘅奶香。碎芝士融化喺雞卷上，增加咗一層濃郁嘅奶香，食落一啲都唔膩。🧀