影片
更多
2018-07-17
59 瀏覽
帶屋企人去食飯，梗係要揀一間質素好既中菜酒樓食，等佢地食得開心d啦！知道the one 呢間利寶閣分店環境夠哂靚，始終做開婚宴場，裝潢一定夠哂華麗高尚，配上大大既水晶燈，金碧輝煌。17樓高對住靚靚既維港夜景，真係加哂分！😍😍屋企人都話好高尚呀！坐底左，好nice既職員已經為我地倒茶又同我地介紹一下個餐牌。而家做緊個優惠：原盅佛跳牆 配 谷飼豚肉叉燒飯 $188. 咁都幾抵喎！平時叫一盅佛跳牆都好貴，要百幾蚊。見佢咁多料，都幾吸引，所以一於叫黎食喇！好快就黎到喇！😋一大碗既：谷飼豚肉叉燒飯 🍛賣相都幾靚，有隻太陽蛋係飯上面，我地決定將蛋黃整開去撈勻成個飯食！😋粒粒米飯都有蛋黃同豉油味。 然後有兩大舊豚肉叉燒，啖啖肉。😍呢兩舊既叉燒同平時食既有唔同，谷飼既豚肉，食落肉質好嫩，帶有少少既脂肪。咬落多汁不鞋口。加上有少少蜜汁味，食落甜甜地，好好味！🐖有驚喜。貴價足料佛跳牆🥘材料有：鮑魚，魚翅，遼參，瑤柱，花菰，蹄根😍唔好睇個盅好似好細咁，4個人都分到大半碗。個湯夠足料，所以味道好濃好正，仲好有鮮味！魚翅好大塊😍呢個湯質素真係幾好。一d都唔求其👍🎖上湯龍蝦伊麵😀好大碟！成隻龍蝦上，都幾大隻。所以
知道the one 呢間利寶閣分店環境夠哂靚，始終做開婚宴場，裝潢一定夠哂華麗高尚，配上大大既水晶燈，金碧輝煌。17樓高對住靚靚既維港夜景，真係加哂分！😍😍屋企人都話好高尚呀！
坐底左，好nice既職員已經為我地倒茶又同我地介紹一下個餐牌。而家做緊個優惠：原盅佛跳牆 配 谷飼豚肉叉燒飯 $188. 咁都幾抵喎！平時叫一盅佛跳牆都好貴，要百幾蚊。見佢咁多料，都幾吸引，所以一於叫黎食喇！
好快就黎到喇！😋
一大碗既：谷飼豚肉叉燒飯 🍛
賣相都幾靚，有隻太陽蛋係飯上面，我地決定將蛋黃整開去撈勻成個飯食！😋粒粒米飯都有蛋黃同豉油味。 然後有兩大舊豚肉叉燒，啖啖肉。😍呢兩舊既叉燒同平時食既有唔同，谷飼既豚肉，食落肉質好嫩，帶有少少既脂肪。
咬落多汁不鞋口。加上有少少蜜汁味，食落甜甜地，好好味！🐖有驚喜。
貴價足料佛跳牆🥘
材料有：鮑魚，魚翅，遼參，瑤柱，花菰，蹄根😍
唔好睇個盅好似好細咁，4個人都分到大半碗。
個湯夠足料，所以味道好濃好正，仲好有鮮味！
魚翅好大塊😍
呢個湯質素真係幾好。一d都唔求其👍🎖
上湯龍蝦伊麵😀好大碟！
成隻龍蝦上，都幾大隻。所以好多肉！
龍蝦夠鮮，容昜起肉，咬落好彈牙。正！
個汁做得好味，無論襯落龍蝦或伊麵都夠哂味，唔會話淡。👍
再叫左兩個小菜：
薑蔥魚雲煲 🐟上菜個時個煲d汁仲滾緊，熱辣辣！
仲加左d燒酒係上面，啲酒香味蒸發哂出黎。
用左薑蔥爆香，食落魚雲唔會有腥味。
魚雲夠哂滑，仲有d魚肉食。😋
宮保炒蝦仁 🦐🦐惹味小菜。
都幾辣，但我地食得辣，呢個程度接受到，仲好開胃。大大隻蝦仁，鮮味彈牙。無蝦腸！👍
仲有d菇一齊炒，夠哂香！
食到我地都好飽，最後仲送糖水：綠豆沙俾我地食！呢度d服務招呼做得好好，家人都好滿意！😺
張貼
