MOS Burger (長發廣場)

營業中

休息中

今日同女朋友都夜放工，為左快快食完飯返屋企休息就去左長發睇下有咩食，發現Mos burger開返，之前應該一d問題有一段時間都無開，見佢開返就試下如何，我地一人叫左一個餐，叫左一個海鮮包餐配雞塊，一個就係黑醋雞肉漢堡餐配厚薯條仲加左個湯。黎到之後一試味道依然。海鮮包既料真係好足，而且包底係飯做既，食落好似食似壽司又但由於配料係暖暖既海鮮所以食落去無食壽司果種凍既感覺，有時食得多簡單既碟碟飯轉下口味食依種用飯黎做包底既包係別有一種味道。食完包我地食個雞塊，雞塊就唔駛講喇最主要都係同M記既去比較，相比起M記既雞塊又乾雞肉又老，Mos Burger既雞塊食落去個皮炸得無咁乾，𥚃面既肉依然食落去無咁老依然知道自己係食緊雞肉。哈。 黑醋雞肉漢堡就同相對簡單，只係醬汁生菜絲同炸雞肉，但比較其他快餐既雞肉包佢既味道都係一流，而且佢地用既包都係比較爽口，無M記同 Triple O咁乾，薯條就正常喇。只係我本身覺得厚身薯條比較好食，所以我會加分。個湯就真係不值一提，12蚊飲一個加工制成品真係唔會再叫。係長發多返Mos burger係多一個選擇。而且想講下依度做野既姐姐好細心好好人