麒藝館 (已結業)

平時好少食中餐嘅，心血來潮想食乳豬，上OpenRice找到「麒藝館」評價幾好，一於去試吓，銅鑼灣時代廣場非常方便。我地兩點先去到，仲趕得切午市。見到門口就有個乳豬爐，可以睇住師傅即席燒乳豬，明顯對自己非常有信心。可惜既係😭😭😭😭午市乳豬已經賣晒，冇機會試無花果天下第一豬。冇得食乳豬，唯有叫另一個招牌菜：無花果極品黑叉燒 🤭黑叉燒只有八件，配有魚子醬，非常高級。叉燒用上肥瘦適中嘅豬肉，燒功了得，香香脆脆，肉質鮮嫩。師傅特製的無花果醬，惹味得黎停唔到口。午市超值套餐原隻鮑魚花膠撻：賣相好靚，曲奇皮香鬆脆，鮑魚已炆得軟軟的，非常入味，下面滿滿花膠同汁，每一啖都有不同層次口感。鮑汁花膠撈飯 ：上面鋪滿了花膠同汁，再加上木魚令到菜式更加生動😋😋😋炒飯炒得夠乾身。而且份量十足，有三四碗，兩個人夠絕對食🤭雖然午市超值套餐只係$68，絕對冇將貨就價，用料十足，非常抵食，絕對要一試😍😍😍😍而且環境舒適，下次一定再黎試天下第一豬。