大灰熊廚房 (裝修中)

呢晚去開將南，二訪呢間口啤唔錯嘅中菜，餐牌選擇好多，提供嘅小菜款式真係唔少。我哋兩個人點咗「黃金豆腐」、「拔絲咕嚕肉」同「時菜炒牛肉」，仲有「粟米豆腐羮」。黃金豆腐 - 淨係賣相已經一流，炸得香脆，豆腐則軟滑，外脆內軟，好味。拔絲咕嚕肉 - 份量多，咕嚕肉好香脆入味，糖醋汁做得好正。牛肉炒時菜- 同樣足料之餘，牛肉好夠味，配埋菜心，送飯食啱晒。粟米豆腐羮 - 好耐冇食過，充滿懷舊嘅味道，足料好味。二人餐嘅分量十足，價錢$228，呢個食物質素同超多款式選擇，性價比高。食飯期間都見有好多Food Panda 外賣單，証明相當受附近街坊歡迎。