蟹點

營業中

休息中

同朋友去海洋公園玩咗成日，再過到黎試吓呢間街坊食堂，餐廳位於地鐵站附近嘅街市上面，離遠已經望到好九隻蟹裝飾嘅招牌，餐廳都幾大，全部都係圓枱，適合一班人聚餐，菜式方面有中式同泰式，選擇非常多👍🏼咖喱炒大肉蟹配蒜蓉炒雜菜(跟蒜蓉包)餐廳有提供手套同鉗，蟹約重1斤半，非常之大隻，隻蟹鉗啖啖肉又鮮甜，鋪滿咖喱醬汁，調制得非常濃郁，唔會辣而椰香味比較重，配飯同蒜蓉包真係好好味🤤跟餐跟蒜蓉包焗到香脆金黃色，仲有6舊咁多添，炒雜菜有淡淡嘅蒜蓉味，減低少少油膩感豉汁蒸白鱔傳統嘅菜式，食材都好新鮮，肉質爽口彈牙，香濃嘅豉汁更加能帶出鱔肉嘅鮮甜哈爾濱啤酒呢度飲啤酒都係用戰鬥碗，十分有特色🍻