影片
更多
2024-01-10
57 瀏覽
很喜歡嚟中環覓食，皆因區內食店林立，酒吧、Café 應有盡有，而且不時有新餐廳進駐。最近從友人處得知和安里開咗間「Moodie Wine & Dine」，餐廳主打西式美食，門面及內部裝修都非常有格調，藍磚牆身配以開放式廚房，環境寧靜優雅。細看午市餐牌，有沙律&多士、新鮮法國藍青口及意粉可供選擇，定價由 $148-$178 不等，+$40 可以升級套餐，包是日餐湯、沙律及甜品。今日嘅餐湯係粟米忌廉湯，湯身熱辣辣，入口濃稠滑溜，飲得出用咗大量粟米粒磨蓉煮成。沙律用料亦不欺場，沙律菜好新鮮，青瓜清甜爽脆，同麥味噌好夾。巴馬臣芝士肉醬扁意粉 ($158) 肉醬煮得啱啱好，調味合宜，入口唔會過鹹過膩。意粉做到 Al Dente 效果，每條都掛滿了芝士和醬汁，食落啖啖都好夠 Rich。龍蝦湯蕃茄長通粉配雞胸 ($158) 雞胸粉嫩不柴，邊位煎至微焦，肉質柔軟。長通粉軟硬度剛好，醬汁微酸微辣，入口帶陣陣龍蝦香，配上芝士粉，芝香滿溢。跟餐甜品係馬卡龍搭焙茶雪糕，馬卡龍甜滋滋，外面包了一層蛋白餅，表皮鬆脆，內餡黏稠扎實；雪糕質感厚滑，入口散發著淡淡焙茶幽香，做餐後甜品一流！
最近從友人處得知和安里開咗間「Moodie Wine & Dine」，餐廳主打西式美食，門面及內部裝修都非常有格調，藍磚牆身配以開放式廚房，環境寧靜優雅。
細看午市餐牌，有沙律&多士、新鮮法國藍青口及意粉可供選擇，定價由 $148-$178 不等，+$40 可以升級套餐，包是日餐湯、沙律及甜品。
今日嘅餐湯係粟米忌廉湯，湯身熱辣辣，入口濃稠滑溜，飲得出用咗大量粟米粒磨蓉煮成。沙律用料亦不欺場，沙律菜好新鮮，青瓜清甜爽脆，同麥味噌好夾。
巴馬臣芝士肉醬扁意粉 ($158) 肉醬煮得啱啱好，調味合宜，入口唔會過鹹過膩。意粉做到 Al Dente 效果，每條都掛滿了芝士和醬汁，食落啖啖都好夠 Rich。
龍蝦湯蕃茄長通粉配雞胸 ($158) 雞胸粉嫩不柴，邊位煎至微焦，肉質柔軟。長通粉軟硬度剛好，醬汁微酸微辣，入口帶陣陣龍蝦香，配上芝士粉，芝香滿溢。
跟餐甜品係馬卡龍搭焙茶雪糕，馬卡龍甜滋滋，外面包了一層蛋白餅，表皮鬆脆，內餡黏稠扎實；雪糕質感厚滑，入口散發著淡淡焙茶幽香，做餐後甜品一流！
張貼
