影片
更多
2021-12-29
115 瀏覽
我諗起朋友之前試過呢間酒樓話唔錯，咁啱今日喺佐敦唔知食咩好，所以就上去試吓。煙三文魚凱撒沙律，酒樓都有沙律食，幾特別，所以試吓，又唔錯，沙律菜都新鮮，煙三文魚都幾大片。香草芝士焗龍蝦，面頭焗得焦焦香香，芝士味都濃郁，隻龍蝦size都幾大隻。原個泰國椰竹笙花膠菜膽元貝，原個椰青都熱辣辣，即刻燉起，份面都幾足料，有竹笙花膠菜膽元貝，個湯好有老火湯feel。滋味一口牛，d牛煎得啱啱好，唔會太乾，好香蒜味。新鮮菠蘿即炸咕嚕肉，真係炸到脆卜卜，但肉質依然juicy,好有鑊氣，配埋新鮮菠蘿一齊食，一流。吊燒雞，燒到塊皮好薄好脆，d雞肉好滑，好惹味。油浸荀殼魚，d魚炸到好香脆，店員話呢條魚有6斤，原來大條荀殼魚咁好食，d魚肉勁滑。新鮮荷葉飯，入面好足料，d飯粒粒分明，唔會太濕，好香荷葉香味。古法蓮蓉焗布甸，而家好少酒樓有得食，所以就叫黎試吓，真係勁多西米，布甸入面有層蓮蓉，唔太甜，好多味。佢地仲有免費汽水，啤酒同紅，白酒任飲。
煙三文魚凱撒沙律，酒樓都有沙律食，幾特別，所以試吓，又唔錯，沙律菜都新鮮，煙三文魚都幾大片。
香草芝士焗龍蝦，面頭焗得焦焦香香，芝士味都濃郁，隻龍蝦size都幾大隻。
原個泰國椰竹笙花膠菜膽元貝，原個椰青都熱辣辣，即刻燉起，份面都幾足料，有竹笙花膠菜膽元貝，個湯好有老火湯feel。
滋味一口牛，d牛煎得啱啱好，唔會太乾，好香蒜味。
新鮮菠蘿即炸咕嚕肉，真係炸到脆卜卜，但肉質依然juicy,好有鑊氣，配埋新鮮菠蘿一齊食，一流。
吊燒雞，燒到塊皮好薄好脆，d雞肉好滑，好惹味。
油浸荀殼魚，d魚炸到好香脆，店員話呢條魚有6斤，原來大條荀殼魚咁好食，d魚肉勁滑。
新鮮荷葉飯，入面好足料，d飯粒粒分明，唔會太濕，好香荷葉香味。
古法蓮蓉焗布甸，而家好少酒樓有得食，所以就叫黎試吓，真係勁多西米，布甸入面有層蓮蓉，唔太甜，好多味。
佢地仲有免費汽水，啤酒同紅，白酒任飲。
張貼
