影片
更多
2016-06-02
368 瀏覽
前排見到openrice有依間串燒咖啡既coupon，而我又係一個串燒狂，甘好既機會又點可以錯過呢!!所以我一於就約朋友上去一邊談心一邊食串燒😍舖頭位置都幾偏僻，我同朋友都搵左一段時間先搵到間舖頭。上到去見到舖頭既裝潢好有歐美風情，d燈好靚。燈光就偏暗，但幾適合同朋友傾計。上到去已經好肚餓，所以急不及待睇下個menu，發現原來依間舖都有好多食物選擇。除左主打既串燒之外，仲有all day breakfast，西餐等等，連飲品都有好多種，正！煙三文魚冷麵極力推介！煙三文魚放得好靚，砌成一分花甘上枱，而且份量都唔少，對於一個鐘意食煙三文魚既人-即係我黎講，見到甘多煙三文魚係會好高興😂。冷麵既醬汁令整體生色不少，酸酸甜甜，好開胃，我同朋友好快就清曬。芝士薯條熱辣辣，炸到好脆而且都食落好有薯味，滿滿既芝士醬舖係薯條面，一啖薯條一啖芝士，味道配合得相當出色，好好味！估唔到佢除左串燒之外，其他野都做得甘出色。燒韓式干魷魚燒到十分干身，而且食落好香魷魚味，咸咸地，如果配埋杯啤酒就一流！燒菠蘿都算幾大舊，食落好juicy，食到我好似流口水黎，味道都唔錯，幾清甜。燒9菜係我每次去食燒烤備點既食物，9菜外
舖頭位置都幾偏僻，我同朋友都搵左一段時間先搵到間舖頭。上到去見到舖頭既裝潢好有歐美風情，d燈好靚。燈光就偏暗，但幾適合同朋友傾計。
上到去已經好肚餓，所以急不及待睇下個menu，發現原來依間舖都有好多食物選擇。除左主打既串燒之外，仲有all day breakfast，西餐等等，連飲品都有好多種，正！
煙三文魚冷麵極力推介！煙三文魚放得好靚，砌成一分花甘上枱，而且份量都唔少，對於一個鐘意食煙三文魚既人-即係我黎講，見到甘多煙三文魚係會好高興😂。冷麵既醬汁令整體生色不少，酸酸甜甜，好開胃，我同朋友好快就清曬。
芝士薯條熱辣辣，炸到好脆而且都食落好有薯味，滿滿既芝士醬舖係薯條面，一啖薯條一啖芝士，味道配合得相當出色，好好味！估唔到佢除左串燒之外，其他野都做得甘出色。
燒韓式干魷魚燒到十分干身，而且食落好香魷魚味，咸咸地，如果配埋杯啤酒就一流！
燒菠蘿都算幾大舊，食落好juicy，食到我好似流口水黎，味道都唔錯，幾清甜。
燒9菜係我每次去食燒烤備點既食物，9菜外表燒到有少少焦，但9菜吸收曬醬汁既味道，食落好惹味，而且食落都冇渣，都幾嫩，不錯。
蒜蓉牛油青口都燒得幾香，蒜蓉牛油固然係一個冇得輸既配搭，所以味道都有保證。依個蒜蓉牛油青口既蒜蓉都幾濃，但我就略嫌燒得乾身左少少。
燒魷魚鬚好彈牙，每條魷魚鬚都有滿滿既醬汁，好惹味，好快就食曬，燒吊筒仔都唔錯，但如果要二選一我就會簡魷魚鬚。
燒豬頸肉燒到剛剛好，豬頸肉好嫩口，而且肥瘦適中，咬落去仲會有d汁咇出黎，正！
燒雞腎都做得不錯，味道適中，食落都好爽口。
燒豬肉，燒牛肉及雞翼就不過不失，但都燒到幾嫩口，而燒牛仔骨都燒到好好食，肉質鮮嫩帶點脂肪，食落啖啖肉冇根位，而且調味調得相當不錯，但略嫌細舊左d，因為48來講係有少少貴。
食甘多肉高梗係要食番d蔬菜類，燒冬菇同燒雞脾菇燒得剛剛好，雖然外表燒至乾身，但咬落去入面仲係有汁既，不錯。
飲品方面，朋友就叫左但花茶飲，可以refill一次水，清清地都幾好飲，有淡淡既花香，好適合解膩，食串燒飲都幾岩。
我另外仲叫左個水果茶，都幾足料，有好多水果，而且甜度適中，有台灣既味道，個人就好鐘意飲！
整體來說食物質素高，我同朋友都食到lam lam 脷但舖頭通風設備就一般，食完出到去好大陣串燒既味道。
串燒，西餐
5 瀏覽
0 讚好
0 留言
張貼
