肥後屋

營業中

休息中

位置係比較隔涉，但絕對值得一試的，耐唔耐都會同朋友去一次～ 去之前記得提早whatsapp預約，前一晚就會收到廚娘send來的海鮮menu，如果想食海鮮嘅話，就要揀定喇。海鮮必食柚子清酒煮貴妃蚌+柚子汁燒蟶子。食完貴妃蚌，飲埋啖湯先係精華！蟶子新鮮大隻，調味亦剛好～小食推介龍蝦膏山藥+胡麻菠菜卷，龍蝦膏配鮮甜山藥，出奇地夾。邪惡之選就一定係墮落午餐肉+牛油蔥飯，牛油蔥飯滿滿蔥油香，不過比較啖味，加埋厚切燒餐肉就一絕，雖然屋企都整到。串燒鐘愛芫茜系列，芫茜雞肉必試。最後加個燒棉花糖，完美的一餐。