玉庭

琴日，食完隔離間優質日本半自助晚餐，今晚同埋家姐過嚟食中菜。先叫咗餐前小碟，上次食鵝肝醬窩貼蝦多士已經覺得好好食😋，維持水準👍🏼。今次試吓川味萵筍海蜇手撕雞，其實一啲都唔辣，雞肉鮮嫩、多多海蜇，味道不錯，但係鍾意食辣嘅朋友就唔好期望咁多啦。😂家姐鐘意食北京片皮鴨，叫咗一隻兩食。第一次見片得咁有層次嘅鴨。😊我唔鍾意食厚厚肥羔嘅片皮鴨，呢隻啱晒我口味。嗰生菜包鴨鬆唔會好油，肉質都仲係好嫩，味道非常okay.之後再叫多個金蒜椒鹽白飯魚，薄薄一層炸粉，外脆內軟，重點啲白飯魚係大大條嘅。😋最後食埋個好有口感嘅荷葉飯，我一向都唔係好食飯，今晚竟然食完又食。😂家姐話啲飯粒瘦瘦長長，好似印度米。我鐘意佢煙煙韌韌，好有口感。😋😋講真冇折都幾貴，我哋係會員今餐有八折，折實連加一人均三百幾。咁嘅食物質素，加上環境同服務都唔錯，值得推介。