影片
更多
2023-03-27
13576 瀏覽
呢度10:30開門, 但係我地9:30去到門口已經有條少少既人龍, 再晏啲就已經唔知排到去邊😂 大概10點店員開始準備開舖同派飛, 到10:30就可以搵返自己既枱號坐底😌 呢度既點心款式幾多, 有啲都幾特別係其他地方比較少見🤓X0醬蘿蔔糕🍢($58)蘿蔔糕幾挺身, XO醬恰到好處唔會太濃加埋辣椒絲幾惹味😙黄沙豬潤腸🐷($48)滑溜既腸粉皮未算薄, 包住滿滿好香既黃沙豬膶, 可以話係我食過最足料同好食既豬潤腸粉😍流心煎糯米雞🍙($44)煎到外脆內軟既糯米飯配生雞蛋黃, 味道唔算特別, 但係菇味好香😉沙律明蝦角🍤($48)炸到勁脆身餃子形外皮包住滿滿爽口既蝦肉加埋沙律醬好正🥰芋角🍠($44)外面一絲絲好似雀巢咁鬆脆既外皮包住滿滿綿滑既芋泥好食🤤陳皮豆沙鍋餅🫘($33)香脆既外皮包住滿滿好香陳皮味既紅豆蓉, 陳皮味既香提升曬成個豆沙窩餅既味道🤩干層糕🍰($33)雞蛋黃色既千層糕用奶黃做主材料, 奶黃味好香, 質感鬆軟中間再夾左啲Nuts, 幾特別😋沙翁🥐($36)新鮮出爐熱辣辣既沙翁好鬆軟, 蛋味好香, 入面會睇到有啲好似千層酥咁既layer, 不過始終都係多砂糖同大個, 所以多啲人分會好啲
X0醬蘿蔔糕🍢($58)
蘿蔔糕幾挺身, XO醬恰到好處唔會太濃加埋辣椒絲幾惹味😙
黄沙豬潤腸🐷($48)
滑溜既腸粉皮未算薄, 包住滿滿好香既黃沙豬膶, 可以話係我食過最足料同好食既豬潤腸粉😍
流心煎糯米雞🍙($44)
煎到外脆內軟既糯米飯配生雞蛋黃, 味道唔算特別, 但係菇味好香😉
沙律明蝦角🍤($48)
炸到勁脆身餃子形外皮包住滿滿爽口既蝦肉加埋沙律醬好正🥰
芋角🍠($44)
外面一絲絲好似雀巢咁鬆脆既外皮包住滿滿綿滑既芋泥好食🤤
陳皮豆沙鍋餅🫘($33)
香脆既外皮包住滿滿好香陳皮味既紅豆蓉, 陳皮味既香提升曬成個豆沙窩餅既味道🤩
干層糕🍰($33)
雞蛋黃色既千層糕用奶黃做主材料, 奶黃味好香, 質感鬆軟中間再夾左啲Nuts, 幾特別😋
沙翁🥐($36)
新鮮出爐熱辣辣既沙翁好鬆軟, 蛋味好香, 入面會睇到有啲好似千層酥咁既layer, 不過始終都係多砂糖同大個, 所以多啲人分會好啲😉 個人覺得呢個係呢度必食, 同埋數量有限, 所以早啲黎啦🤩
眼淚奶皇包🍳($40)
奶黃包搣開入面既超流心奶黃湧曬出黎, 會食到啲沙沙既質感, 奶黃味道好濃係整得好靚既流心奶皇餡😍
茶芥($20/位)
比起其他方既茶芥相對貴左啲, 但係飲得出呢度用既係比較靚既茶葉🌱 我地叫左鐵觀音同普洱, 前者味道香濃, 後者偏淡但係口感順滑🤓
呢度坐得幾舒服, Staff都幾Friendly會同我地吹下水, 整體點心質素係高, 會再encore🥳
張貼
