鮮芋仙 (屯門市廣場1期)

營業中

休息中

提供芋圓同仙草嘅甜品店到處都有，鮮芋仙可以開到 11間店，想必有其過人之處。今次嚟到屯門店，試下招牌仙草沙冰。面頭係口感 Q 彈嘅芋圓同地瓜圓，兩者以地瓜圓味道較濃，好正👍。仙草一直係我嘅至愛，呢度嘅仙草爽滑味濃，配埋奶油，口感同味道都一流。至於最底嘅仙草沙冰較為少見，雖然係冰底，但係一啲都唔淡，黑糖味濃之餘又唔會死甜，好啱我口味。睇 menu，呢度仲有好多配料可以加，款款都好吸引，下次幫襯一定要再試。