影片
更多
2020-02-12
438 瀏覽
最近天氣凍拍拖食飯都會揀D中餐暖胃，有初老症狀既我地都開始注重養身，連想食放題都揀特登返中餐黎食，今次就俾我地搵到係尖沙咀 The One 17樓既利寶閣。一出lift 好快有Staff 帶我地入坐，依個價錢對住夜景食中餐放題，淨係睇景都抵返晒haha。坐低叫埋茶，就專心睇下點心紙上面有咩選擇，熱盤、冷盤、點心、甜品有成五十幾樣。出面仲有堂弄北京片皮鴨同堂煎美國谷飼牛柳自取。入坐包左每人一份極上佛跳牆，湯料包括有原隻鮑魚、海參、瑤柱仲有女仔最鐘意既花膠，夠晒足料，用料矜貴，湯味鮮甜好滋潤。除左一人一碗極上佛跳牆，仲有每人一份既上湯大虎蝦天使麵，大虎蝦蝦肉爽口彈牙，鮮甜厚肉，天使麵就索晒湯底同埋蝦既鮮味，成個感覺就好似西式版龍蝦伊麵咁，好食！黎到我地最期待既堂弄北京片皮鴨，依到有專人將鴨切片，片皮鴨會皮連肉切，外皮同肉中間夾住層脂肪，係入面陣油香真係令人念念不忘。烤鴨皮脆肉厚，配埋爽口青瓜、香口蔥絲同埋甜甜既片皮鴨醬加埋外面薄脆香口既薄餅皮，係幸福既感覺！！！仲有我好鍾意食既酸菜魚，酸辣度適中，芽菜同酸菜都吸晒湯入面既精華，魚肉嫩滑夠薄身，食落啖啖肉。依到既海鮮都做得唔錯，薑蔥炒蟹有好重
一出lift 好快有Staff 帶我地入坐，依個價錢對住夜景食中餐放題，淨係睇景都抵返晒haha。坐低叫埋茶，就專心睇下點心紙上面有咩選擇，熱盤、冷盤、點心、甜品有成五十幾樣。出面仲有堂弄北京片皮鴨同堂煎美國谷飼牛柳自取。
入坐包左每人一份極上佛跳牆，湯料包括有原隻鮑魚、海參、瑤柱仲有女仔最鐘意既花膠，夠晒足料，用料矜貴，湯味鮮甜好滋潤。除左一人一碗極上佛跳牆，仲有每人一份既上湯大虎蝦天使麵，大虎蝦蝦肉爽口彈牙，鮮甜厚肉，天使麵就索晒湯底同埋蝦既鮮味，成個感覺就好似西式版龍蝦伊麵咁，好食！
黎到我地最期待既堂弄北京片皮鴨，依到有專人將鴨切片，片皮鴨會皮連肉切，外皮同肉中間夾住層脂肪，係入面陣油香真係令人念念不忘。烤鴨皮脆肉厚，配埋爽口青瓜、香口蔥絲同埋甜甜既片皮鴨醬加埋外面薄脆香口既薄餅皮，係幸福既感覺！！！
仲有我好鍾意食既酸菜魚，酸辣度適中，芽菜同酸菜都吸晒湯入面既精華，魚肉嫩滑夠薄身，食落啖啖肉。
依到既海鮮都做得唔錯，薑蔥炒蟹有好重既香薑蔥味，夠晒鑊氣，蟹肉同蟹膏多到就黎爆出黎咁，好滿足haha。
仲有平時中餐必點既玻璃咕肉，個甜酸醬汁調味唔錯，外層脆口而且酸甜適中，肉質軟嫩，口感好好，送飯一流。
仲有平時好小餐廳會有既雞蛋豬腳薑，薑醋酸酸甜甜非常入味，食落味道偏甜，酸勁後上，豬腳膠質重，隻蛋食落薑味好重，好夠入味。
總括黎講，依個中餐放題係好高水準，價錢合理，性價比好高！最緊要係人小小都可以每樣點D，唔洗驚食唔晒，下次一定會帶埋屋企人黎再戰！
張貼
