米角

營業中

休息中

有時候想食健康啲，尖沙咀既米角原來有好多選擇呢！叫咗日式芝士漢堡扒海苔溫泉玉子丼 + 雞肉軟骨鹿尾菜飯糰 + 竹筍黑胡麻溏心蛋飯糰，日式雜貨店入面有位比你坐係度等同食~塊漢堡扒係即叫即煎🤩勁香又熱辣辣，面頭仲有火炙半融芝士，溫泉玉子蛋黃又超流心，望到都覺得正🤩平時啲丼飯好多都係用白米，呢度就用咗五穀 + 日本秋田小町米，纖維高咁多好有飽足感！雞肉軟骨鹿尾菜飯糰既軟骨細細粒脆脆地好有咬口，鹿尾菜仲係一隻好有營養既日本海藻，又係食多啲都無罪疚感系列😂 竹筍黑胡麻溏心蛋飯糰本身包住咗塊紫菜唔係好睇到，但一咬就有流心效果買飯糰職員都會額外比番塊獨立包裝紫菜比你，好衛生又唔怕紫菜淋曬