一遊

營業中

休息中

今日特登約三個朋友去呢間日式餐廳，我哋大約七點鐘到，餐廳已經好多客人，入到去古色古香，裝修別緻，燈光暗暗地覺得好舒服。原來呢間餐廳係高級居酒屋日式料理，好有氣氛 餐牌嘅日本料理菜式好多，我哋就叫咗唔同食物1）芝士玉子燒-芝士有流心效果，味道濃郁，蛋香滑又厚2）刺身沙律及雞軟骨-好足料-蒟蒻口感豐富，大大塊沙律菜，雞軟骨亦好爽口3）刺身拼盤-來自日本空運過來嘅刺身， 食到淡淡嘅魚鮮味4）海膽吞拿魚蓉壽司-口感豐富，令我哋好陶醉5）串燒雜錦-唔同嘅串燒都有佢哋嘅特色，焦香美味，外脆內軟，最喜愛就係明太子雞肉6）日式豆腐湯及海膽炒飯-豆腐湯清新嘅味道，配上菇同菜，味道濃郁但好健康，炒飯份量好足，有海膽嘅香氣，好回味！一遊係香港高質嘅日式居酒屋餐廳，食物上枱時，職員會解釋食物嘅由來同煮法，令人一試難忘！