金記冰室 (建新中心)

營業中

休息中

早排同媽媽喺隔離餐廳食晚飯，媽媽話下次試吓金記冰室，咁就帶媽媽去試吓。未入店內職員見到我哋時都已經行定出門口招呼，而家已經好少冰室會有呢一種服務了，加上疫情關係，入店前都要嘟安心出行或者登記，職員都有清晰指示，唔錯唔錯。其實呢間店都係我第一次嚟，店舖裝修好似幾廿年前嘅戲院咁，幾特別。晚餐得我同媽媽兩個人，所以點咗個二人餐有兩餸兩飯兩湯兩飲品，餸菜揀咗霸王雞同菠蘿咕嚕肉，碟咕嚕肉真係好味，排骨即炸好香脆，估唔到菠蘿仲要係用新鮮而唔係罐頭，食到真係想再叫多碟；而霸王雞嘅肉質超嫩滑，好香蔥油味，可惜個胃唔夠大，否則呢個真係送飯一流！咁多嘢食都只係$168。