金酒屋

營業中

休息中

想節日慶祝食個豐富晚餐，黎依間餐廳真係最適合不過。我地點左一份金糖盒。蟹肉三文魚籽日式豆腐，整得相當細緻，底部用上綿花糖，餅皮上佈滿大旺蟹肉、三文魚籽入口鮮甜，加一點綿花糖，味道更豐富。金龍珠海膽吞拿魚蓉卷一碟有四件，每件都有大大粒醬汁蛋黃，再配上海膽和吞拿魚蓉，口感勁細滑，同時帶出濃濃嘅海膽鮮味。戀丼。月見特厚燒牛舌三文魚籽一上枱令我有種身處日本大阪的感覺，蛋黃拌上三文魚籽飯已經夠正，重點係件牛舌真係不得了，惹味香口，入口爽嫰，每一口都食到油脂的香味，勁得。點了一些串燒，當中有自家製雞皮蝦、厚燒牛舌心、黑豚五花腩和安格斯牛肋肉，每件都燒得剛剛好，外脆內嫰。戰神鍋。兵庫縣生蠔鍋和追加A4鹿兒島和牛當初覺得個價錢有點….但生蠔一上枱你就覺得值得，一盤有16隻，件件都相當肥美，入口爆汁勁鮮甜，而A4鹿兒島和牛肉質勁嫰，肉味勁濃郁，絕對忘不了這一餐。