惠 (已結業)

假日男朋友帶我到灣仔逛逛，原來早就預備了驚喜給我，特意帶我到這家Omakase品嘗美食。餐廳裝修新淨簡約，簡約木色系為主，充滿日本感覺，環境好舒服，可以慢慢同男朋友一邊嘆美食一邊傾計。整體來講，呢一度嘅午市套餐都非常好食！而且仲要係好抵食添！四百幾蚊可以食到咁多款唔同嘅壽司真係好正！我自己幾鍾意呢一度嘅池魚壽司！就咁睇個賣相顏色好靚！而且呢一個池魚嘅魚味好濃郁，好鮮甜嘅味道！赤貝壽司亦都好有驚喜，非常所謂嘅口感，而且入口嘅時候好彈牙！赤貝嘅味道亦都好香！當然最正嘅就係呢一件拖羅壽司！呢一度嘅午市套餐都係用大拖羅！真係估唔到🤩非常有驚喜！而且呢一件大拖羅真係令人回味無窮！好香既魚油味道！入口即溶嘅感覺！