申子居酒屋

營業中

休息中

之前食過銅鑼灣申子 居酒屋 覺得好高質， 今日喺旺角行街 經過黑布街 ，原來旺角都有分店 ，咁一於入去試下😂， 睇餐牌竟然有午市套餐 🤩今日星期日冇諗過都有🤩， 我哋叫咗個牛肉壽喜燒， 午市套餐佢仲要買上面款式送下面款式嘅優惠， 咁我哋就叫咗個牛肉壽喜燒加親子丼， 怕唔夠食仲叫多個 蓬松玉子， 啲餐嚟到真係好大驚喜😂， 仲諗住佢 買大送細以為親子當只係 迷你版， 點知佢真係送成個 正常定食 咁大，有埋前菜 ，湯，沙律 真係好驚喜❤️❤️壽喜燒嘅牛肉 鮮嫩有牛味， 仲要鍋入邊好多 配菜， 牛肉份量都唔少， 成鍋滿滿的，加上沾上蛋漿食好嫩滑。蓬松玉子：蛋味香濃，切開入面仲有啲芝士， 加上淋喺上面嘅醬汁、蔥花完美配搭。兩款定食入面都有 麵豉湯、沙律同 漬物， 沙律勁好味， 係我最 鍾意嘅 蟹肉沙律🤩 ， 整體嚟講 食物質素高又抵食， 放假要再過嚟encore❤️