碧士文 (東利商業大廈)

營業中

休息中

近排成日OT lunch time 過咗先有得食飯，同同事喺公司附近發現呢間新餐廳，裝修唔錯，而且坐得舒服，價錢其實都係比茶餐廳貴少少，絕對可以接受。有我最鍾意食嘅椒鹽豬扒，同茶餐廳大不同，明顯擺盤比較精緻，不過鍾意佢有得可以選擇辣度，豬扒上面嘅蒜蓉好香，豬扒厚切有口感，而且味道夠香辣，好惹味可以送晒一盒飯，我仲配咗個南瓜湯，非常有驚喜，南瓜湯好香濃，有湯飲，支裝咖啡拎返公司飲醒醒神。同事點左另一款蔥油厚切豬扒飯，蔥油勁香，而且配埋隻蛋， 小食點左薯蓉，醬汁係用新鮮肉汁熬製，難怪咁香咁好味。總括嚟講餐廳絕對高質，不論餐廳裝修同用嘅餐具，性價比高，唔可以同附近嘅茶餐廳比較，同事都話可以多啲黎。