TeaWood Deluxe (已結業)

話說要同太太搵結婚週年嘅慶祝地點,話曬都慶祝週年紀念,去嘅地方都唔可以太差嘅。上網係openrice搵咗好耐,最後決定去位於尖沙咀k11藝術博物館入面嘅茶木 Teawood Deluxe 度食,入到去覺得裝修好靚,好有高級西餐廳嘅味道,同以往去開嘅茶木有好大分別。由於今日係平日見到佢竟然仲有Set Dinner叫 ,仲要只係$158(當然未計加一啦),呢個價錢真係一般普通嘅樓上cafe都未必做到可以話係非常抵呀。好grand 的裝修。1) 黑松露奶油忌廉湯奶油忌廉湯非常之香濃,仲有碎粒嘅黑松露碎,正出面樓上cafe 叫一份咁的湯都要$60-$70啦,呢度仲要咁好氣氛,成個餐都收$158,抵啊!!2) 台式醬爆燒巴西豬肋骨,薯條及雜菜沙律豬肋骨大大份,一d都唔失禮。個醬汁仲要好惹味。3) 台式沙茶醬燒巴西豬柳菜絲沙律雖然眼望落去得三嚿豬柳,但係每嚿豬柳都好厚肉,食落去一啲都唔鞋,仲有陣陣嘅炭燒香。4) 巴西雜莓特調初頭都擔心呢啲特飲味道會好怪,但係一飲落去,味道都唔錯。叫咗兩個set,兩個人埋單四百蚊都唔使,開心大滿足。