犇殿台灣火鍋 (奧海城三期)

營業中

休息中

犇殿裝修以和風為主，座位好闊落，坐得舒適。有四種價格的火鍋放題套餐可以揀，自選套餐我地揀咗極上選安格斯牛肉，湯底就揀左麻辣湯底。安格斯牛 - 肉質鮮美滑嫩、油花分布均勻。豬梅花 - 肉質鮮嫩香醇，一d都唔油膩。大蝦 - 大大隻，夠新鮮而且鮮甜。手工蛋餃和福建燕餃 - 口感紮實而且蛋香濃、福建燕餃脆嫩爽滑。豆腐 - 蜂巢豆腐吸哂麻辣汁，好過癮。百頁豆腐 綿密紮實自助吧有多款蔬菜、菇、丸子、腸、麵類等。手工面彈牙爽口。另外仲有d台灣小食，如鹽酥雞等。飲品種類好多，除左常見的汽水外，仲有檸檬清熱酷、OOHA等比較少見的飲品。甜品可以diy台式糖水，有紅豆蓉，芋圓，仙草，雜果等。雪糕有Haagen Dazs和Movenpick各一款口味，仲有四款其他雪糕雪條。