No Money So Lonely

營業中

休息中

同朋友喺旺角行街行到攰攰地，就搵間餐廳入去食少少嘢。見呢間餐廳個名幾得意就入咗去😆我哋唔太肚餓就只係點咗兩款嘢食試吓，估唔到呢間餐廳環境都幾靚幾舒服，我哋未安排坐嗰個卡位好靚，成個北歐小木屋咁，仲有靚靚燈飾😍食物都幾好味😋記得抹嘴呀 墨汁卡邦尼配香煎帶子 $138呢個真係用墨魚汁做嘅，真材實料，唔係就咁用黑色嘅墨汁意粉就算，墨汁好香鮮味，加上一啲蒜香好惹味😍香煎帶子size就雖然唔係好大，但係都煎得香，帶子有鮮味👍🏻呢個意粉食完真係要記得抹咀😆食完直程嘴唇中毒咁樣😆泰式肉碎豬頸肉pizza $138泰式口味嘅pizza好少食，上面鋪面既豬頸肉火候啱啱好，肉汁好豐富，肥美甘香爽口😋配秘製泰式辣肉醬好惹味，加上一啲芝士奶香搭配，真係好正😍pizza餅底係薄薄脆脆嗰種，食晒成個都唔會好膩。