MAMTOM

Prime ribeye:五成熟。賣相靚仔，外皮焦脆，內裡肉質細嫩，食落牛味濃郁，十分滿意。配埋跟餐既蔥醬同mantom 醬，提升味覺層次，十分滿意。DIY: 自己動手將米紙、生菜、菠蘿、米粉餅、蒜粒、醃瓜等等包起，食幾多落幾多由自己決定，配埋酸甜醬，酸酸味味，十分醒胃。Pho Bo Beaf:大大條牛骨髓經過燒烤，上碟時油香撲鼻，令湯底層次昇華，配埋西冷薄片，味道唔簡單。牛魔王既你一定要試下，非常有特色。Morning Glory(炒通菜): 十分惹味，蒜頭同辣椒經過爆香，富有東南亞風味。（榴連糯米飯配椰子雪糕）：榴連蓉味超濃，食落有gelato 既感覺，濃厚而黏身，加上椰子雪糕的淡淡椰子香，味道更有層次，配埋糯米飯又估唔到咁夾，十分出色。總結：呢間東南亞fusion 菜 的確幾有驚喜，西式越式配搭創新，味道亦很匹搭。