田浦食肉

營業中

休息中

好掛住韓國！未去到住惟有食住燒肉先！呢間韓式燒肉好地道，大部分店員都係韓國人，仲會幫客人燒埋，入到去只需要負責食。餐廳提供豐富嘅小菜伴餐，種類繁多；燒肉爐有擋板擋住，避免彈油。燒肉高質，絕對係encore之選！ 烤牛排骨原條排骨，侍應喺面前烤肉同剪開，火喉控制得啱啱好。可以蘸鹽、辣醬同燒烤醬，啖啖肉；用可以免費添加嘅生菜包肉有解膩效果。 雞蛋羹韓式雞蛋羹勁澎湃，口感香嫩柔滑。加上蔥花、麻油同芝麻好香口，仲有少少炭香味。 黃油炒飯侍應會用牛排骨筋膜肉粒撈埋啲飯一齊炒，增加香脆口感。最後仲用蛋黃醬擳成麵包超人嘅樣，得意得嚟味道啱啱好。