鮨廷 (已結業)

今日難得表姐黎香港，想試下高品質日本壽司，因為國內真係難以食到高質而安全既正式日本壽司最近香港都開始流行站食餐廳，企喺度食，特別有風味入到去可以見到師傅點樣去製作料理，透明度極高，呢樣野帶比食客非常高既安心感台面上有豉油同埋山葵，而且有茶葉，客人可以依自己口味泡製醬油、沖茶飲首先嚟嘅係呢兩舊又肥又好味嘅三文魚壽司，師傅整壽司嘅手勢唔錯，壽司夾起嘅時候，啲飯唔會散晒出嚟另外重有帆立貝同埋油甘魚壽司，要讚下佢地既油甘魚，唔會好腥明太子帆立貝沙律壽司同赤貝壽司味道都一流，值得一試你夠三文魚子壽司真係夠晒驚喜，啲三文魚子多到跌晒落隻碟度，影相同味道都一流最後，我地叫左個本鮪壽司盛合，包括有大、中拖羅、赤身、辣吞拿魚同蔥拖羅手卷，成個盛合既魚都又肥又多汁，如果銀包許可，真係想食多一個！