影片
更多
2023-08-27
4898 瀏覽
好多次想嚟但每次都冇位。今次家姐一家親放完暑假前提早為我慶祝生日，嚟左我一直想去但重未有機會去到嘅楚撚記，原來都係佢哋想食又未食到，今次可以一齊食，好開心！限時90分鐘，我哋用QR code下單時間係17:36, 到17:38加多左啤酒，但到18:06都未有野食連啤酒都冇。追問之下發現原來電腦失靈，落過嘅單係佢哋部電腦冇出過單所以冇整到俾我哋，而且我問完之後發覺隔離幾張枱都係有咁嘅情況，店員都好有禮貌地幫我哋即刻用手寫加返單去廚房一陣之後就好快有嘢食啦。首先有炸大肥，好脆，塊菠蘿重要有燒過，好讚！再嚟有椒鹽田雞，好香口。食過唔同地方嘅豬油撈飯，呢度嘅係最好食🤤。重加多左碗白飯。黑椒汁牛仔骨，呢個係咁多個最普通嘅一個，但其實都係好味。拔絲咕嚕肉，做得好靚，另外仲有兩粒啄啄糖，不過咕嚕肉唔夠脆。椒鹽豆腐，香口送酒冇得頂。南乳齋煲～平時食嘅南乳齋煲通常個汁好稀，但呢度南乳汁夠味。煎封馬友～哇！呢個正，就咁食唔點汁都好食，脆脆嘅！避風塘鮮魷～新鮮不過我覺得味道唔夠綠豆清心丸～送嘅唔使錢。呢個真係唔係成日有得食，仲要係送嘅，雖然甜咗少少。整體來講冇乜挑剔，乾淨企理，環境又好，啲餸仲要好大碟。四大
限時90分鐘，我哋用QR code下單時間係17:36, 到17:38加多左啤酒，但到18:06都未有野食連啤酒都冇。追問之下發現原來電腦失靈，落過嘅單係佢哋部電腦冇出過單所以冇整到俾我哋，而且我問完之後發覺隔離幾張枱都係有咁嘅情況，店員都好有禮貌地幫我哋即刻用手寫加返單去廚房一陣之後就好快有嘢食啦。
首先有炸大肥，好脆，塊菠蘿重要有燒過，好讚！
炸大腸
72 瀏覽
1 讚好
0 留言
再嚟有椒鹽田雞，好香口。
椒鹽田雞
97 瀏覽
0 讚好
0 留言
食過唔同地方嘅豬油撈飯，呢度嘅係最好食🤤。重加多左碗白飯。
豬油撈飯
54 瀏覽
0 讚好
0 留言
黑椒汁牛仔骨，呢個係咁多個最普通嘅一個，但其實都係好味。
黑椒牛仔骨
59 瀏覽
0 讚好
0 留言
拔絲咕嚕肉，做得好靚，另外仲有兩粒啄啄糖，不過咕嚕肉唔夠脆。
拔絲咕嚕肉
52 瀏覽
4 讚好
0 留言
椒鹽豆腐，香口送酒冇得頂。
椒鹽豆腐
42 瀏覽
0 讚好
0 留言
南乳齋煲～平時食嘅南乳齋煲通常個汁好稀，但呢度南乳汁夠味。
南乳齋煲
47 瀏覽
0 讚好
0 留言
煎封馬友～哇！呢個正，就咁食唔點汁都好食，脆脆嘅！
煎封馬友
48 瀏覽
0 讚好
0 留言
避風塘鮮魷～新鮮不過我覺得味道唔夠
避風塘鮮魷
49 瀏覽
0 讚好
0 留言
綠豆清心丸～送嘅唔使錢。呢個真係唔係成日有得食，仲要係送嘅，雖然甜咗少少。
綠豆清心丸
30 瀏覽
0 讚好
0 留言
整體來講冇乜挑剔，乾淨企理，環境又好，啲餸仲要好大碟。四大一小都係食咗$966唔洗加一，真係抵到呢⋯⋯已約定家姐一家下次返嚟再去encore!
張貼
