從⋯異世界 (已結業)

朋友生日去食午飯，又諗唔到去邊，我就同佢講，不如試下去女僕cafe慶祝。最後我地揀左呢間係老銅附近既cafez，入到去，我地每人都揀左個開掛人生套餐，包主食，飲品，甜品，最重要既係仲一張同靚靚女僕合照。💕蛋包飯老實講，係坊間聽得太多話女僕café D野好難食，但係我想講你咁諗就大錯特錯，呢度既蛋包飯唔單止夠味好食，仲有女僕同你魔法加持，所以好食得黎又好玩。💕飲品外觀好靚，藍藍地，入落唔太甜岩哂我💕士多啤梨聖代💕冧酒提子聖代係堅好食，拍得住出面出名既甜品店。最後，仲可以揀一位你心儀既女僕大人合照，真係好好好好好好開心，哈哈整體黎講，食物方面幾出眾，飲品正常，甜品超出預期，服務體貼，女僕耐心教導，下次會再同幾位朋友試下晚餐時間去。