Ciclo

營業中

休息中

今日約咗朋友食飯，佢喺銅鑼灣放工，咁佢就揀咗好多餐廳，而我就喺入面揀咗呢間裝修同環境都好似好靚嘅餐廳。一嚟到，果然比我想像中靚，黑色嘅裝修配上燈光，好適合打卡，而且氣氛好好。我認為呢間餐廳最特別嘅係，入面九成都係女性客人，可能係因為環境靚，而且適合坐喺度傾偈啦。我最欣賞嘅就係呢個前菜嘅帶子，佢嘅賣相好靚，而且帶子食落好新鮮，配落佢酸酸地嘅醬汁同埋辣辣地嘅青椒，越食越開胃啊。主菜方面，我認為呢個雞卷好出色。佢食落有啲似台灣夜市嘅雞腿卷，但係配上西式嘅醬汁，感覺好清新同埋特別。佢嘅雞腿卷食落外脆內嫩，雖然我唔特別鍾意食芝士，但係佢嘅芝士味唔係好濃，食落清新，但係唔會好滯。我哋另外一個主菜就叫咗呢個燒牛肉，佢食落牛尾好重，配上唔係太濃烈嘅醬汁，感覺好特別。而我朋友就覺得佢似牛版嘅叉燒，因為食落個邊脆入面嫩，但係佢都覺得牛味好重，會為咗呢個主菜，下次都再嚟。我哋食嘅時候，見到有其他人都好開心咁飲緊酒，呢間餐廳又有嘢食又有酒飲，唔怪得咁多人嚟啦。而且佢嘅音樂聽落好舒服，啱晒一大班朋友傾偈，或者兩個嚟拍拖。呢間餐廳又靚又舒服，下次都一定會再嚟啊。