반찬앤쿡 Banchan and Cook (時代廣場) (已結業)

今次去到係時代廣場既韓國餐廳-Banchan and Cook。餐廳位於商場嘅9樓，裝修以木系同文青風為主，環境好靚，坐位寬敞。值得一提嘅係餐廳啲餐具都好有特色，好靚～餐廳主打韓國蛋包飯，另外仲有韓國炸雞、韓式輕食同甜品。餐廳仲會有12座星座嘅必食韓國美食，好特別～～我地最後叫左一個蛋包飯、炸雞、韓式黑毛豬同一個甜品🔻烤牛肉蛋包飯味道：8/10價錢：$98餐廳主打嘅蛋包飯，上枱之前店員會俾時間影相留念，然後會親自用刀切開蛋包，好有儀式感☺️蛋包食落去軟錦錦，好creamy，再加埋烤牛肉嘅燒汁，味道口感豐富。而且呢個蛋包飯用上炒飯，同出面餐廳用白飯有分別！🔻 燒醬油黑毛豬白切肉配大醬生菜味道：8/10價錢：$162黑毛豬肉肥瘦平均，再用餐廳提供嘅配菜包埋一齊食，幾好食～份量都幾大份，足夠3-4人食🔻無骨蜜糖炸雞(半份）味道：8/10價錢：$108餐廳可以俾我地揀有骨同冇骨，幾細心！蜜糖味好濃，炸雞唔會淨係得炸粉而冇肉，而且啲雞肉好juicy，係一個出色嘅炸雞！而且估唔到雖然淨係叫左半份，但份量都好多🙈🔻烤朱古力棉花糖味道：7.5/10價錢：$78佢係一個烤棉花糖再加上朱古力醬同朱古力碎，餐