Amour Cafe

營業中

休息中

一直沒有寫開食評，但由於唔想呢類小店買少見少，決定寫一寫呢間小店。多年前由朋友介紹，一直食到而家搬埋新舖，環境好左食物仍然保持水準！尋日再同朋友去食，都係叫左白板上面嘅Set, 有湯有主菜有甜品有野飲，每人都唔駛一百蚊，超值！首先，薯仔忌廉湯，我係唔記得影相嘅😅 主菜我揀左蕃茄酸豆香辣鴨胸意粉，拎埋黎見到個鴨胸煎得好靚，意粉亦唔乾，蕃茄味好足，酸酸辣辣好開胃。 朋友就叫左煎雞扒牛肝菌忌廉扁意粉。不過個扁意粉唔係我想像中好闊嗰種，望落似意粉，但又真係扁身嘅。 雞扒都煎得香口juicy，牛肝菌汁有點杰，但好香滑，仲有好多牛肝菌係面。甜品我就叫左吉士蛋，賣相唔算好，但食落都滑嘅。朋友個芝士餅賣相都係普通，聽佢講味道唔會太甜，味道唔錯。最後加左幾蚊轉飲Mocha, 我個人覺得奶味比較重，但朋友覺得適中。所以都係睇個人口味。