影片
更多
2023-03-24
107 瀏覽
今個月到男朋友生日，到我去發掘好野同佢慶祝喇🤭 Fine Dining就見得多，炭火Dining你見過未呢😆 最近留意到一間高級日本餐廳，主廚係日本京都人——細師傅，保證食到正宗日本菜🇯🇵 師傅以時令矜貴食材入饌，將日本文化融入食材中，再以精美擺盤呈現，體驗到師傅既用心同精湛廚藝！食物咁高水準，環境﹑服務又好，呢餐絕對物超所值🥹餐廳行日式裝潢風格，雅緻舒適，天花設計成日式屋簷🏠 別具特色。係咁靚既環境下用餐，仿如置身於日本居酒屋咁正~ 最鍾意開放式吧枱，每位客人都可以坐係吧枱同店員交流~ 當中有D和食比較特別，向店員提問佢地都會細心解答，又會介紹下有咩時令串燒/食材，感受到店員既熱情同用心🫶🏻 坐係吧枱到不時聽到師傅炭燒時發出既滋滋聲，香氣逼人，十分期待食物上菜既一刻~「炎」既食物種類幾多元化👍🏻 除左有招牌炭火串燒，仲有精緻和食﹑佐酒小食等。酒類方面，由啤酒﹑梅酒﹑清酒至紅白酒都有🍷 串燒可以單點或揀omakase set，選擇都幾豐富：雞﹑牛﹑羊﹑海鮮﹑野菜都有，連特別部位提燈都有~ 價錢都係幾十蚊一串，CP值極高✅ 而Omakase有兩個價位：$888同$1,188。前者以串燒為
餐廳行日式裝潢風格，雅緻舒適，天花設計成日式屋簷🏠 別具特色。係咁靚既環境下用餐，仿如置身於日本居酒屋咁正~ 最鍾意開放式吧枱，每位客人都可以坐係吧枱同店員交流~ 當中有D和食比較特別，向店員提問佢地都會細心解答，又會介紹下有咩時令串燒/食材，感受到店員既熱情同用心🫶🏻 坐係吧枱到不時聽到師傅炭燒時發出既滋滋聲，香氣逼人，十分期待食物上菜既一刻~
「炎」既食物種類幾多元化👍🏻 除左有招牌炭火串燒，仲有精緻和食﹑佐酒小食等。酒類方面，由啤酒﹑梅酒﹑清酒至紅白酒都有🍷 串燒可以單點或揀omakase set，選擇都幾豐富：雞﹑牛﹑羊﹑海鮮﹑野菜都有，連特別部位提燈都有~ 價錢都係幾十蚊一串，CP值極高✅ 而Omakase有兩個價位：$888同$1,188。前者以串燒為主，而後者以和食為主，串燒為副。
今次揀左$1,188「炎」𝐎𝐦𝐚𝐤𝐚𝐬𝐞套餐，需要提早3日預約喔~ 用餐時間大約2.5小時⏱
♢ 🌸𝑨𝒑𝒑𝒆𝒕𝒊𝒛𝒆𝒓 | 前菜盛合
擺盤非常精緻，雖然每件睇落好迷你，但係絕不馬虎😯
➊ 小貝柱 ‧ 新鮮嫩滑，加左海膽醬調味，鮮味十足。
➋ 帆立貝 ‧ 汁燒帆立貝啖啖肉，非常入味。
➌ 白蝦牛蒡糕 ‧ 呢個幾特別，牛蒡糕口感爽滑，配上白蝦帶有軟綿綿口感。
➍ 螢光魷魚 ‧ 季節限定，螢光魷魚當造期短，不時不食~ 口感爽脆鮮甜，加左海膽醬調味。
➎ 鮟鱇魚肝 ‧ 整成粒粒形狀，每啖都係嘴內溶化~ 加左柚子去漬過，油膩中帶點清新口感。
➏ 自家製蕃茄凍湯 ‧ 蕃茄仔好鮮甜，湯頭清淡，適合清一清味蕾。
♢ 🥣𝑺𝒐𝒖𝒑 | 碗物
立魚湯 ‧ 湯頭非常清徹，加左洋蔥同蔬菜，入口鮮甜。師傅好有心思🥹 加左塊日本三色魚旦，爽彈又有層次感~ 原來3月3日係女兒節(雛祭り)，日本人會食菱餅，三色分別用左櫻花蝦﹑紫菜同雞蛋，好有特色。
♢ 🎣𝑺𝒂𝒔𝒉𝒊𝒎𝒊 | 刺身
雖然刺身唔係餐廳主打菜式，但係件件都好新鮮，頗有水準！
➊ 中拖羅 ‧ 入口油香甘潤，長度有成7-8cm，好厚切！
➋ 白子 ‧ 冬天盛產肥美白子，入口即溶，鮮味十足。
➌ 鯖魚 ‧ 3大片厚切鯖魚，油脂豐富，口感細膩。
➍ 立魚 ‧ 爽口煙韌，有咬口。
➎ 牡丹蝦 ‧ 蝦肉超肥美，入口甘甜濃郁，好有彈性。
♢ 🔥𝑺𝒌𝒆𝒘𝒆𝒓𝒔 | 串燒五本
➊ 雞肩肉
雞肩肉係稀少部位，每隻雞只有幾十gram。同滑嫩既雞腿肉口感唔一樣，雞肩入口爽彈，雞皮燒得焦香，灑上柚子胡椒鹽提味，啖啖肉好滋味！
➋ 雞腸
店員介紹雞腸係最吸炭火味既串燒之一，果然夠香口！雞腸脆嫩鮮美，唔會有腥味。除左吸盡炭火香味之外，仲沾滿餐廳秘製醬汁，超正！
➌ 雞心元
雞既心臟前血管，超刁鑽部位，呢度都食到！大概要用6隻雞先夠串成一串，好矜貴~ 雞心元口感彈牙，帶有咀嚼感。
➍ 青提豚肉卷
平時多數係荔枝豚肉卷，呢度就用左日本青提，比較有特色~ 青提清甜得黎又唔會功高蓋主，保持豚肉香濃肉味，肉嫩多汁，同時減少豚肉既油膩感。店員貼心咁提我地攤凍少少先食，以免青提爆汁會燙口~
➎ 免治鴨肉
免治雞肉棒就見得多，呢度用鴨肉都係第一次試！同雞肉相比，鴨肉棒少左軟骨口感，所以每啖都係軟腍腍既鴨肉，燒得焦香，非常滋味~ 而雞蛋黃加左truffle oil，蘸上醬汁口感更順滑。
♢ 🦀𝑭𝒓𝒊𝒆𝒅 𝑰𝒕𝒆𝒎𝒔 | 油物
芝士蟹肉松葉蟹蓋 ‧ 原隻蟹蓋上菜，賣相好吸睛，令人胃口大增🤤 蟹肉夠哂長，微微灸燒過後帶有焦香，保持肉質鮮甜。而蟹蓋內裝滿蟹膏﹑蟹肉﹑芝士，質地濃稠，好「芝」味呀🧀
♢ 👨🏻🍳𝑺𝒑𝒆𝒄𝒊𝒂𝒍 𝑰𝒕𝒆𝒎 | 特別菜式
柚子汁煮豚肉&白牛舌 ‧ 當日師傅額外送多個菜式比我地食🥹 日本豚肉肥瘦相間，肉質特別鬆化。而白牛舌同深色牛肉相比會無咁重牛肉味，主要係食豐富油脂口感。
♢ 💐𝑺𝒕𝒆𝒂𝒎𝒆𝒅 𝑫𝒊𝒔𝒉 | 蒸物
百合根煮 ‧ 地道京都菜式，日本人喜愛將根部加入傳統料理中，例如百合根﹑蕃薯根等。百合根我都係第一次試~ 熬製後軟糯綿密，口感似食薯蓉咁。外層用櫻花葉包住，散發芳香。而入面會包左時令海鮮，今次係鮑魚同鯛魚，煮得軟腍，同時充滿百合香氣。
♢ 🍙𝑴𝒂𝒊𝒏 𝑫𝒊𝒔𝒉 | 食事
鮑魚糯米飯團 ‧ 食到呢度已經差唔多飽，師傅送上一客迷你飯。巨型鮑魚十分吸引，嫩滑爽彈，好有咀嚼感。糯米飯更加不得了~ 口感軟糯，每粒飯都沾滿秘製醬汁，好香口！伴菜有青瓜﹑甘荀﹑日本白蘿蔔，適合清一清味蕾。
♢ 🧁𝑫𝒆𝒔𝒔𝒆𝒓𝒕 | 甘味
Omakase上既最後一道菜，同樣有驚喜！甜品拼盤由右邊開始食起：
➊ 西瓜布甸 ‧ 西瓜幾香甜，味道清新。
➋ 糯米紅豆 ‧ 外層包左櫻花葉，增添香氣。糯米口感軟綿綿，入面好多紅豆粒粒。紅豆係餐廳自己熬製，無罐頭紅豆咁甜。
➌ 栗子黑豆brownie ‧ 味道最甜，所以最後先食。Brownie口感扎實，加左黑豆帶有粒粒口感，感覺無咁滯。
呢個Omakase set每道菜都係心思之作，$1,188食到咁多野真心好值得😍!! 日本師傅既匠心和食﹑炭火即烤既串燒﹑雅緻舒適既環境﹑熱情好客既店員，呢餐簡直無可挑剔~ 真係要比滿分💯 一定會再黎encore～下次想試多D唔同既串燒款式先😆
張貼
