Little Tipsy Restaurant & Bar (已結業)

前兩日同朋友仔觀塘覓食，見到呢間有折所以就book呢間我哋book咗七點，去到幾乎冇乜人，餐廳好幽靜，裝修都係幾靚嘅，啲凳係粉紅色，打卡位都幾多，不過稍嫌燈光有啲暗，如果光猛返少少就更好啦！食物方面，因為唔算太肚餓，我哋叫咗兩個菜。西班牙烤雞配薯仔呢個烤雞果味好重，酸酸甜甜勁開胃，而且有兩大塊雞扒,兩個人食都覺得好多，加上薯仔同沙律配菜，就已經好飽肚。烤安格斯肉眼扒配薯仔及田園沙律呢個都唔錯，豬肉好軟好淋，食落去亦都有美味嘅果酸香，又係一個好開胃嘅菜。最後我哋仲追加在一個心太軟，朱古力味幾香，留心都做得幾好，但係就覺得甜咗少少，如果可以改善返呢個問題就更好啦。