和牛燒肉‧純 (已搬遷) 新店位置

好耐冇食過好味嘅和牛，今次朋友介紹我黎呢間JA全農集團旗下嘅和牛燒肉純，拍曬心口咁話保證我可以用抵嘅價錢食到高級嘅日本和牛燒肉，於是我就同佢一齊黎呢到食Dinner。今次食佐賀牛，簡單燒一燒已經好好味。Ox Tongue 牛舌 $118不愧係高級和牛，牛舌已經有好香濃嘅牛味，食落好彈牙好好味。Prime Karubi 日本產和牛上牛排肉 $218店員話我地好好彩，呢款和牛比起特選日本產和牛牛排肉係低一級嘅，不過今日呢個和牛都好靚，食落油脂都好豐富好香濃，好食。Premium karubi 特選日本產和牛牛排肉 $330不愧係特選嘅和牛牛排肉，賣相望落雖然同上面嗰款好似，但一食落就知係好唔同嘅，呢款嘅牛味係再濃郁好多，食落好香好有滿足感。Premium Sirloin 特選日本產和牛西冷 $560真係一款比一款有驚喜，和牛西冷係今日叫嘅幾款牛肉入面最濃味嘅，建議留返最後食，以免降低左對其他牛肉嘅享受。呢個真係必食，每啖都好滋味。Steam Rice 白飯 $30係一粒粒嘅珍珠米，大大碗。Kyoho Soda 巨峰梳打 $45幾好喎唔會太甜。