Diff. Cafe (已結業)

一點去到，可能因為暑假，唔算太多人，都唔洗等位。叫咗個珍寶帶子明太子意粉，再加份蒜蓉包，埋單一百二十幾蚊，抵食。餐湯係粟米濃湯，食得出係粒粒粟米打出嚟嘅，有粟米嘅鮮甜味，不過可以打得再細少少。明太子意粉，真係冇得彈：汁夠，掛到上啲意粉上；帶子大大粒，煎到微焦有香氣，唔係啲cheap嘅貨色；啲明太子同蟹子好似唔洗錢咁，真係好多。個蒜蓉包，香脆，蒜味足，唔會有啲辛辣味，真好食。個服務都幾好，侍應會同你講一講，先會收走啲碟，好有禮貌！