Attic Handmade Pasta (已結業)

同事非常喜歡食意粉，今晚佢又話要去尖沙咀一間手工意粉店，叫咗我做陪客。AtticHandmade Pasta 裝修時尚，樓底比較高具空間感，座位寬敞，主打自家製作手工意大利麵及Fusion菜式。入座後侍應便送上餐前麵包。麵包外皮略厚口感酥脆，內心多孔濕潤柔軟。二人套餐有前菜、湯、意粉、主菜、甜品和飲品法式海鮮酥盒，用酥皮包住鮮嫩的海鮮，酥脆可口。是日餐湯係南瓜湯，口感綿密，味道香甜。法國鵝肝、溏心蛋黃多士，擺放精美，鵝肝細膩滑嫩，溏心蛋黃味濃郁又香，多士香脆，兩重口感令人食不停口。威尼斯鴨肉醬手打意粉，新鮮現造的意粉彈性中帶點煙韌，挺身有咬口，加上香濃惹味的鴨肉醬，非常美味！油封鴨髀肉意大利飯，鴨髀經油封後酥而不膩、入口即化，去骨切絲後燴入意大利飯，意大利飯口感creamy ，鴨肉香口，每啖都滋味無窮。伯爵茶奶凍，Q彈細滑的奶凍入口即化，茶味香濃不甜膩。凍檸茶，茶色呈透徹的琥珀色，具茶味和檸檬香。