Pici

營業中

休息中

Item: Pici
Rating: 4
Author: 好好味吖

210 食評

味道

環境

服務

衛生

抵食

15185

荔枝角

$201-400

意大利菜

133

好好味吖

等級4

102

每次講開pasta，朋友圈一定會講尖沙咀、灣仔、中環有一間好出名好食無得Book枱，成日都有人排隊食手工Pasta嘅餐廳，叫PICI，但其實呢係荔枝角佢都有分店嘅，重要係無乜人排隊，齊人就咁walk-in就OK，重無限用餐時間，坐到佢哋收鋪先走都得呢今晚我哋一行三人，就order咗以下嘅食物。首先一嚟就有一袋仔麵包，個包就硬到無朋友，係硬，唔係脆呀，而食味帶點微酸，與橄欖油與醋同吃都幾夾嘅，如果想食鬆軟嘅就可以唔試喇。Homemade Meatball ($90) - 濃濃的肉醬香味，一咬落去係一有啲鬆散嘅但又有少少彈牙，我諗係因為加咗啲牛根落去，食味有變化同層次，明顯食得出有豬同牛肉味道，唔單調，的肉醬汁加埋啲Parmesan cheese 碎同吃，一啲都唔漏，有肉本身的汁水加肉醬汁，再加芝士味，食味非常豐富。意式辣肉貓耳朵麵 ($130) - 手工製貓耳朵，非常煙靭，食落有麵粉香，果啲麵粉應都係靚貨嚟，個汁帶微辣，加埋火箭菜同吃個平衡做得幾好，唔會話邊一個特別搶味，貓耳朵煮得剛好，食到Al Dente口感，抵讚。鮮刨黑松露細扁麵 ($180) - 細扁麵質地同樣做得好好，好彈牙，

每次講開pasta，朋友圈一定會講尖沙咀、灣仔、中環有一間好出名好食無得Book枱，成日都有人排隊食手工Pasta嘅餐廳，叫PICI，但其實呢係荔枝角佢都有分店嘅，重要係無乜人排隊，齊人就咁walk-in就OK，重無限用餐時間，坐到佢哋收鋪先走都得呢

今晚我哋一行三人，就order咗以下嘅食物。
首先一嚟就有一袋仔麵包，個包就硬到無朋友，係硬，唔係脆呀，而食味帶點微酸，與橄欖油與醋同吃都幾夾嘅，如果想食鬆軟嘅就可以唔試喇。

Homemade Meatball ($90) - 濃濃的肉醬香味，一咬落去係一有啲鬆散嘅但又有少少彈牙，我諗係因為加咗啲牛根落去，食味有變化同層次，明顯食得出有豬同牛肉味道，唔單調，的肉醬汁加埋啲Parmesan cheese 碎同吃，一啲都唔漏，有肉本身的汁水加肉醬汁，再加芝士味，食味非常豐富。

意式辣肉貓耳朵麵 ($130) - 手工製貓耳朵，非常煙靭，食落有麵粉香，果啲麵粉應都係靚貨嚟，個汁帶微辣，加埋火箭菜同吃個平衡做得幾好，唔會話邊一個特別搶味，貓耳朵煮得剛好，食到Al Dente口感，抵讚。

鮮刨黑松露細扁麵 ($180) - 細扁麵質地同樣做得好好，好彈牙，同樣煮到Al Dente口感，黑松露片刨得一啲都孤寒，分量好多吓，三個人每個人都份到幾片大大片嘅，好香，但食味就唔太特出，個汁就忌廉同洋蔥味溝埋，食味正常嘅，我諗係佢地唔常個汁搶走黑松露嘅香味，所以先教個無咁濃味嘅醬汁出嚟，依個係食食材本身嘅味道，合格嘅。