影片
更多
2024-11-06
210 瀏覽
今日約咗同朋友食飯，傾開食乜之際，就諗住想食片皮鴨，於是就嚟咗羲和雅苑。 一入到餐廳，裝修就好似佢個名咁非常雅致。適逢佢哋五周年優惠，我哋就揀咗佢嘅四人套餐。首先嚟嘅係四道前菜✨乾隆白菜、三色黃金蛋、涼拌萵筍絲、泡菜汁蒜泥白肉前菜非常開胃，調味同配搭都相當唔錯，非常醒胃。我就好鍾意食佢嘅萵筍絲，清涼爽口。✨片皮鴨半隻配白寶盒片皮鴨的鴨皮香脆，配合八寶盒嘅微甜甜麵醬，清爽的青蔥，青瓜絲，山楂條，口味層次豐富。鴨肉細嫩，搭配餅皮或單獨品嚐，都能體會到鴨肉的鮮香。片皮鴨仲有幾樣特別嘅食法，就係點完佢嘅清甜醬，再加上爆炸糖，食落去口感非常豐富，呢種感覺好特別，一定要一試。✨和牛乾粒半蘑菇呢一道菜味道濃郁，好有蘑菇嘅香味亦都有少少微辣令到菜式特別惹味✨宮保雞丁雞肉嫩滑，味道亦唔錯✨韭黃叉燒滑蛋雖然呢味餸好簡單，但係雞蛋真係做到好滑，配上韭菜同埋叉燒嘅質感，都係一道美味嘅家常菜✨濃湯酸菜魚呢一度酸菜魚，材料十足，裏便除咗有酸菜，嫩滑嘅魚肉，仲有萵筍絲，芽菜，粉絲，十分爽口惹味，令人一碗接住一碗咁樣食，呢度菜非常醒胃，令人胃口大開。✨時令蟹粉扒田園蔬呢一道菜就比較清淡，食完一輪濃味菜式，食一食青菜中
適逢佢哋五周年優惠，我哋就揀咗佢嘅四人套餐。
首先嚟嘅係四道前菜
✨乾隆白菜、三色黃金蛋、涼拌萵筍絲、泡菜汁蒜泥白肉
前菜非常開胃，調味同配搭都相當唔錯，非常醒胃。我就好鍾意食佢嘅萵筍絲，清涼爽口。
✨片皮鴨半隻配白寶盒
招牌片皮鴨配八寶盒
0 瀏覽
0 讚好
0 留言
片皮鴨的鴨皮香脆，配合八寶盒嘅微甜甜麵醬，清爽的青蔥，青瓜絲，山楂條，口味層次豐富。鴨肉細嫩，搭配餅皮或單獨品嚐，都能體會到鴨肉的鮮香。片皮鴨仲有幾樣特別嘅食法，就係點完佢嘅清甜醬，再加上爆炸糖，食落去口感非常豐富，呢種感覺好特別，一定要一試。
✨和牛乾粒半蘑菇
呢一道菜味道濃郁，好有蘑菇嘅香味亦都有少少微辣令到菜式特別惹味
✨宮保雞丁
雞肉嫩滑，味道亦唔錯
✨韭黃叉燒滑蛋
雖然呢味餸好簡單，但係雞蛋真係做到好滑，配上韭菜同埋叉燒嘅質感，都係一道美味嘅家常菜
✨濃湯酸菜魚
濃湯酸菜魚
0 瀏覽
0 讚好
0 留言
呢一度酸菜魚，材料十足，裏便除咗有酸菜，嫩滑嘅魚肉，仲有萵筍絲，芽菜，粉絲，十分爽口惹味，令人一碗接住一碗咁樣食，呢度菜非常醒胃，令人胃口大開。
✨時令蟹粉扒田園蔬
呢一道菜就比較清淡，食完一輪濃味菜式，食一食青菜中和一下。
✨櫻花蝦海味蒸飯
由於菜式都非常之好送飯，所以配搭呢個櫻花蝦海味蒸飯就剛剛好啦
✨最後甜品係薑汁紅棗小桃膠及楊枝甘露
食完咁豐盛嘅晚餐，再配埋一碗精緻嘅糖水，令今晚豐盛嘅晚餐添上完美嘅句號。
整體嚟講，呢個套餐除咗有招牌片皮鴨，仲兼顧到咁多款式美味可口嘅前菜，主菜同甜品。性價比真係超高！食完真係大滿足。
張貼
