影片
更多
2022-07-02
108 瀏覽
冰室位於充滿日本風嘅啟岸巷子附近，裝修型格新穎，夠光猛座位闊落，坐得幾舒服。食物幾有新意，下午茶時段去都好多人！------------------------------🐥◖蟲草花椰子雞米線◗ $55用料一啲都唔馬虎，配料有生菜、蟲草花、木耳同紅棗，係一碗養生又好味嘅米線！可以+$8指定要雞髀，湯底帶有椰子香氣，味道清甜，米線索曬湯汁但亦唔會煮得太爛！🍳◖香濃沙嗲牛肉滑蛋三文治◗ $55 （烘底+$1）勁量三文治，好厚好多餡好大份！套餐仲包埋雜菜沙律，薯條/雜果沙律同嘢飲，成個餐都幾大份！沙嗲牛愛好者必試，牛肉肉質軟嫰，滑蛋亦好香蛋味，仲保留咗少少蛋漿嘅口感，咬落去啖啖都食到微甜嘅沙嗲牛真係好幸福！切開咗兩半，同朋友分黎食都好方便！🥪◖華田脆脆雪山西多士◗ $32熱辣辣新鮮炸起，一粒粒金黃色外脆內軟！上面有一大片牛油，加埋華田脆脆，粒粒都好軟熟！麵包係浸咗蛋漿炸，好濃蛋味，又唔會好油膩，推介！☕️◖紅豆咖啡◗ 跟餐+$9好新奇嘅配搭，平時都係飲開紅豆冰，微苦嘅咖啡加埋甜甜地嘅紅豆，好似食緊甜品咁！ 🧋◖華田脆脆◗ 跟餐+$9阿華田好濃，唔會好甜，加脆脆一齊飲，有口感又好飲！ Enc
------------------------------
🐥◖蟲草花椰子雞米線◗ $55用料一啲都唔馬虎，配料有生菜、蟲草花、木耳同紅棗，係一碗養生又好味嘅米線！可以+$8指定要雞髀，湯底帶有椰子香氣，味道清甜，米線索曬湯汁但亦唔會煮得太爛！
🍳◖香濃沙嗲牛肉滑蛋三文治◗ $55 （烘底+$1）
勁量三文治，好厚好多餡好大份！套餐仲包埋雜菜沙律，薯條/雜果沙律同嘢飲，成個餐都幾大份！沙嗲牛愛好者必試，牛肉肉質軟嫰，滑蛋亦好香蛋味，仲保留咗少少蛋漿嘅口感，咬落去啖啖都食到微甜嘅沙嗲牛真係好幸福！切開咗兩半，同朋友分黎食都好方便！
🥪◖華田脆脆雪山西多士◗ $32
熱辣辣新鮮炸起，一粒粒金黃色外脆內軟！上面有一大片牛油，加埋華田脆脆，粒粒都好軟熟！麵包係浸咗蛋漿炸，好濃蛋味，又唔會好油膩，推介！
☕️◖紅豆咖啡◗ 跟餐+$9
好新奇嘅配搭，平時都係飲開紅豆冰，微苦嘅咖啡加埋甜甜地嘅紅豆，好似食緊甜品咁！
🧋◖華田脆脆◗ 跟餐+$9
阿華田好濃，唔會好甜，加脆脆一齊飲，有口感又好飲！
Encore指數：8.5/10
------------------------------
冰室食物質素高，價錢亦唔貴，跟餐特飲都係+$9真係幾抵！佢仲出名即焗嘅飯/意粉，下次會再試！
張貼
