鐵板大師

營業中

休息中

沙田好運中心開咗呢間新嘅餐廳，專食鐵板餐，大份夾抵食。打開餐牌，見到有好多選擇。今次點咗兩個鐵板套餐，首先係煎焗三文魚套餐，大大件嘅三文魚煎到好香脆，配上蛋包飯同可樂，好豐富。另一個餐係煎田雞腿套餐，都幾特別，出面好少鐵板燒又田雞腿，有家常嘅味道。田雞腿嘅肉好嫩滑，配上薯條，唔錯。鮮脆萵笋煮雞柳健康又好味，萵筍嘅口感幾爽脆，煮得都幾入味。食咗咁多嘢，埋單都係$288，幾抵食，下次經過會再encore！