麺屋飛丸

營業中

休息中

餐廳係轉角位，有大玻璃，邊食邊望住行人行黎行去，寫意。座位有室內、外，室內播放日文歌曲，有feel。每碗份量足，食完飽肚，湯都可以飲清哂～雞白湯黑蒜油($93)，黑蒜味濃郁，食落完全唔油膩，食完亦冇口渴情況。每碗都配有豬肩肉叉燒、慢煮雞胸、雞肉丸等。叉燒大片，雞胸軟嫩，如果覺得唔夠，可以追加配料。味玉流心，一咬即爆醬，如果追加都值得～麵條硬度都可以選擇，如果有唔鍾意既配料，亦可以自由刪走，落單形式方便，自由度高。例如有紫菜/木魚花、竹筍、洋蔥、青蔥。鰹節清湯鹽味($90)，湯底清相對清d，配料一樣不過由紫菜轉木魚花，雞肉丸超juicy好食。免治雞肉棒($32)，一共有2串，外皮少少焦脆，有少少軟骨，增加口感。啖啖肉好juicy。大阪風唐揚餃子($32)，大量木魚花灑係面頭，餃子外皮脆口，肉餡內有粟米，有驚喜。拉麵加配小食，會送一罐罐裝飲品，其餘可以加錢升級。整體，小店風拉麵，係元朗難得有高質既拉麵鋪，又有小食選擇，仲要唔貴，值得食。