影片
更多
2023-11-29
115 瀏覽
近排聽同事講有間中環既拉麵店好好食,所以約朋友過來試下呢間著名日本拉麵店GOGYO五行走型格風,環境寬敞舒適,有酒吧枱亦都有梳化位,裝潢融合傳統日式居酒屋同現代酒吧元素,可以一邊食野,一邊飲返杯,好似去咗高級餐廳用餐嘅感覺,呢度嘅食物除咗最出名嘅拉麵之外,仲有多款佐酒小食,串燒,壽司,刺身,啤酒等,用上高級食材同埋精美嘅擺盤,喺度食嘢真係絕對係享受☆ 濃厚周打蠔拉麵呢個係以日本傳統正宗拉麵,結合美式周打海鮮湯嘅創新配搭!!拉麵嘅精髓就係個湯底!!佢以慢煮嘅方式將豚骨湯同意式忌廉醬料熬製而成,質感幼滑,濃郁得來唔會膩,配上自家製較粗身嘅麵,比較彈牙有咬口,比平時嘅拉麵更吸收到湯底嘅濃郁精華,味道同口感都好豐富,加埋以帕馬森芝士同松露油調味嘅煙燻蠔,肥美鮮甜,仲有好大條又香脆嘅煙肉,薯粒同半熟蛋一齊食超好味☆ 松露油帆立貝意式沙律爽甜嘅番茄,配上厚身又有口感,同埋食起來好鮮甜嘅帆立貝真係好夾,再加埋松露油嘅點綴,香味濃郁,每啖都滲透著濃厚嘅松露味,提升咗沙律嘅味道同層次!☆ 法式烤牛清湯拉麵大大片牛肉片,有好多大理石紋嘅油花,肉質柔軟,入口嫩滑多汁,牛肉嘅鮮甜味深深咁留晒係個湯底度,清澈唔
呢間著名日本拉麵店GOGYO五行走型格風,環境寬敞舒適,有酒吧枱亦都有梳化位,裝潢融合傳統日式居酒屋同現代酒吧元素,可以一邊食野,一邊飲返杯,好似去咗高級餐廳用餐嘅感覺,呢度嘅食物除咗最出名嘅拉麵之外,仲有多款佐酒小食,串燒,壽司,刺身,啤酒等,用上高級食材同埋精美嘅擺盤,喺度食嘢真係絕對係享受
☆ 濃厚周打蠔拉麵
呢個係以日本傳統正宗拉麵,結合美式周打海鮮湯嘅創新配搭!!拉麵嘅精髓就係個湯底!!佢以慢煮嘅方式將豚骨湯同意式忌廉醬料熬製而成,質感幼滑,濃郁得來唔會膩,配上自家製較粗身嘅麵,比較彈牙有咬口,比平時嘅拉麵更吸收到湯底嘅濃郁精華,味道同口感都好豐富,加埋以帕馬森芝士同松露油調味嘅煙燻蠔,肥美鮮甜,仲有好大條又香脆嘅煙肉,薯粒同半熟蛋一齊食超好味
☆ 松露油帆立貝意式沙律
爽甜嘅番茄,配上厚身又有口感,同埋食起來好鮮甜嘅帆立貝真係好夾,再加埋松露油嘅點綴,香味濃郁,每啖都滲透著濃厚嘅松露味,提升咗沙律嘅味道同層次!
☆ 法式烤牛清湯拉麵
大大片牛肉片,有好多大理石紋嘅油花,肉質柔軟,入口嫩滑多汁,牛肉嘅鮮甜味深深咁留晒係個湯底度,清澈唔油膩,每一啖湯都滲出香氣獨特嘅白松露味,可以做出咁好味嘅烤牛清湯拉麵都係因為同咗美國經典扒房 Lawry’s The Prime Ribs 合作,佢哋嚴選美國黑毛安格斯牛肉,先食到高質嘅牛肉同清甜順喉嘅湯底!
☆ F.T.W.辛口手羽先
單骨雞翼炸得啱啱好,外皮香脆,辣辣地,唔油膩同醃得好入味,最啱做下酒小食
☆ Phases ~ GOGYO x HEROES PHASES
Phases係GOGYO同Heroes聯乘而特別調配嘅手工啤酒,未開始飲就聞到核果,桂花同香辛料嘅味道,山椒,柚子同柑橘味會慢慢滲出來,甜甜地辣辣地,好啱一邊食小食一邊飲返杯！同埋原來而家Happy Hour時段有買一送一優惠，而 八兵衛嘅串燒仲有7折添，好抵！
張貼
