牛舞日本燒肉‧涮涮鍋放題 (1亞太中心) (已結業)

我地叫既餐係精選燒肉放題，有好多唔同既靚牛，仲有好多其他食物去燒，又有啲小食同炸物，好抵！呢度既肉都係高級靚肉，好令人回味！就好似牛冧肉片，安格斯一口牛同牛肋肉，全部都好食，牛冧肉呢筋膜較少，肉質好彈牙，油脂亦唔算多，相比一口牛同牛肋肉就嫩好多，肉質各有特色，牛味就全部都好濃，係好食既！而普通啲既燒汁美國肥牛片同味增美國肥牛片都唔錯，雖然肥啲，但牛味亦好出，肉質都係腍身既，同樣出色！另外既肉好似燒肉汁雞腿肉都值得食下，雞腿肉肉質好滑嫩，燒汁醃過既雞肉味道都好香，爽爽的！打邊爐既壽喜燒湯底亦唔錯，甜甜地又唔會太咸，打邊爐岩晒，日本風味呀！仲有啲胃口淨既我地試埋小食，有天婦羅，秋葵炒牛肉同甜蜜蜜蕃薯條，天婦羅同蕃薯條就好香口，蕃薯條甜甜地又脆口，天婦羅亦都好香口，外脆內軟，秋葵炒牛肉嘅口感亦都好好食，秋葵又健康，食小食都食到唔想停！