極尚大喜屋 (鱷魚恤中心)

營業中

休息中

日式放題最岩就係聚會啦！又美味又方便，食物、甜品、飲品應有盡有，任點任食，大家都實岩食！選擇超多，包括刺身、壽司、手巻、軍艦、燒物、炸物等等，可以盡情享受美食，唔洗擔心唔夠食！除左qrcode落單，出面仲有好多野食拎，有多款蒸點心，有蝦餃有燒賣，蝦餃鮮味，外皮薄！燒賣啖啖肉，水準又ok喎仲有麻辣小龍蝦：辣椒同鮮味融合，入口鮮辣、開胃！另外麻辣東風螺都好正，鮮嫩多汁，口感極佳！壽司方面一d都唔馬虎，非常高質！有拖羅、有大帆立貝，全部都好新鮮鮮甜！刺身都一樣好正，最愛既甜蝦可以食好多😋仲有一d特色小食，例如鵝肝煙鴨胸多士，細細件size岩岩好，鵝肝夠香，同煙鴨胸幾夾！蒜香焗蠔大大隻都好推介！同埋一定要食烤金枕頭！好香好濃郁，烤過又另一種食法，好正！當然都有甜品供應，例如雪糕雪條、糖水、仲有珍珠奶茶添！甜食控絕對唔會失望！有多款蛋糕甜品，特別推介榴槤甜品，當中榴槤大福好正，拎左幾件，正！飲品都五花八門，有清酒、啤酒、梅酒、茶，汽水等等，可以按照自己嘅口味自由選擇，亦推介自家製冷泡茶，係一個好嘅選擇😋無糖又解渴！