浪人日本料理 (已結業)

以前食開放題，唔知點解一定係去大喜x，大滿x，價錢唔平又越來越難食。估唔倒今次試食都幾有驚喜。首先呢間餐廳環境好好，成個感覺好乾淨，服務都唔錯。三百幾一人，又無話貴好多。佢有刺身bar同串燒預先俾人攞，刺身真係新鮮，甜蝦同帶子正到爆，三文魚就正常好食，放題黎講真係好抵食。啲料理仔都好有驚喜。後尾要落單既我地嗌左好幾樣熱食，逐樣講下先:清酒煮蜆: 唔好意思，難食。無清酒香，得滾水味，蜆又好腥。芝麻雞翼: 入面已醃，但出面又有調味，有啲鹹得制，不過幾好味既。魷魚圈: 不過不失，唔錯。天婦羅蝦: 勁高質，好好味。蝦肉好嫩，炸得好好。炒烏冬:淡，不過味係唔錯。金菇炒牛肉: 高過放題水準，幾好。如果食放題，就唔會再去大x屋，大滿x啦，呢間差不多價錢得黎又好味好多，不過再好味啲就好啦。