潮藝館

營業中

休息中

提到潮州菜，其特色著重精緻，佐料眾多，重視味道嘅配搭等，這就是其吸引人之處最近我就去咗位於尖沙咀嘅《潮藝館》，主打新派潮州菜，當中亦不乏傳統菜式，環境乾淨企理，感覺舒適坐低無耐，店員先奉上潮州三寶之一 - 鹹酸菜，口感酸爽，提升胃口，增加食慾🥢串茄核桃沙律 - 將核桃放入蕃茄內，味道出奇地夾，開胃又醒神，前菜之選！🥢獅頭鵝件 - 用上獅頭鵝，油香肉嫩，滷水夠入味，味濃可口，而鵝件沒有太多骨，總算啖啖肉！🥢菠菜蟹肉羮 - 菠菜配上蟹肉煮出嚟嘅羹夠晒鮮味，加上一絲絲嘅蟹肉，增添口感，另外盛載湯羹嘅盅底下有小蠟燭㷫住，保持溫度，值得一讚！🥢碧綠川椒雞 - 雞肉夠嫩滑，帶有香、濃、麻嘅川椒味道，伴碟有炸得薄脆嘅珍珠葉，香辣又惹味！🥢普寧炸豆腐 - 外脆內嫩，豆味香濃，蘸上白醋，非常可口！🥢濃湯蠔仔肉碎泡飯 - 滿滿嘅蠔仔和肉碎，配搭起嚟相當滋味，再加上冬菜和大地魚粉，令每口泡飯都鮮甜美味！🥢燕麥一口薯 - 蕃薯蘸上砂糖和燕麥，甜度恰好，飯後甜品之選！