4口

營業中

休息中

好朋友從外國來港旅遊，帶咗佢遊香港，最後去到中環國際金融中心，揀咗中心內一間餐廳食晚飯，4口主打精緻新派福建菜，環境寬敞，招呼週到。幾款套餐都好抵食，包主食、小食和飲品或湯。福建金湯佛跳牆配薑油蔥麵：佛跳牆內有鮑魚、瑤柱、海參、竹笙等名貴食材，金黃色的湯頭味道香濃，每一啖都鮮味十足，伴麵條食口感爽滑又鮮甜。臘味雞卷：用雞肉包住臘腸，雞肉嫩滑，臘腸油香，味道及口感都好豐富。廈門沙茶麵套餐：廈門沙茶麵材料豐富，有魷魚,蝦,豬腩肉,蜆、魚肉等，湯底沙茶湯汁濃稠，麵條掛汁後味道微辣鮮甜又彈牙。姬松茸竹蓀排骨湯：上枱熱辣辣火喉十足湯頭清甜，姬松茸味濃厚，加埋竹蓀和排骨，材料豐富，滋補養生又健康。小食有多款選擇，臘味雞卷味道不錯，係好多食客嘅首選。海蠣豆腐煲：海蠣係今個季節嘅時令菜，肉質特別肥美，有多種煑法，用豆腐煮係其中一種，香滑豆腐粒配肥美珍珠蠔，用特製醬汁烹調，豆腐超滑, 入口即化, 海蠣每粒都飽滿爆汁，十分美味！鹹香酥炸黃花魚：黃花魚在經過香煎後，金黃香脆同時保持魚肉細滑柔嫩，佐酒一流！椰奶銀耳燉桃膠：桃膠口感爽滑煙韌，加入椰奶、雪耳燉煮，味道甜而不膩，滋潤養生。